Advarsel til faste lesarar (hei til deg, forresten): Eg fer nedover til Europa denne veka, og er rett og slett litt usikker på korleis det er med tilgang til det allmektige nettet der nede. Med andre ord kan det bli lav aktivitet her ei lita stund. Det kan også bli heilt som vanleg. Dei som klarer å leve med den spenninga får sjå. Som førebuing til reisa har eg friska opp nederlandsken min (ønskereprise). Watskeburt?
2 years ago
Re: Kindle, New York Times vurderer. Er fornøgd. Det er no så.
Det eg beit meg merke var eigentleg følgande, om den automatiske lydbokfunksjonen: “Kindle voices have some peculiar inflections and pronunciations — they sound oddly Norwegian, sometimes — and, of course, they’re incapable of expressing emotion. They read Hemingway the same way they read Stephen Colbert”.
Visste ikkje at engelsken vår var kjent for slikt, men det er vel til å leve med.
Utover dette må eg seie at eg ventar i spenning på lydbokserien der Colbert les Hemingway. Den hadde eg kjøpt (and so can you!).
2 years ago
Nate Silver, mannen som spådde det amerikanske valet så presist, prøvde seg på det samme med Oscarutdelinga, med ikkje så galne resultat. Som han sjølv seier: “better than random chance”. Kan ikkje be om meir. (Eg ser at Kottke allereie har ein post om det, men eg har ikkje vore på nett i heile dag, så det kunne jo ikkje eg vite før eg begynte akkurat no). Så no er det kanskje på tide å få sett eit par av desse filmane, også (sa den håplaust lite kinoflinke mannen).
2 years ago
Vår irregulære cricketspalte er tilbake, berre for å kunne vidareformidle denne vesle biten av ein cricketreportasje frå The Guardian:
“Benn was bowling to a six-three off-side field with the leg-side covered only by a short-leg, mid-on and a man on the sweep. To the off were two close fielders, at slip and silly point, and a ring set back, with men either side of point, extra-cover and mid-off.”
Då skulle vel det vere klart. Kva som faktisk har foregått her er opp til kven som helst å tippe seg fram til. (For avisas korrespondent er det ikkje så mykje tvil: Setninga foran dette sitatet er “In this case the decision should have been a no-brainer”. It’s like, but of course!). Sedvanlig kreditt: TAS, som er morsommare og betre enn meg på dei fleste vis.
2 years ago
Med eitt fekk eg lyst på ein Kindle. Eg veit ikkje, eg likar no å lese. Eg kjem sikkert på betre tankar. Iallfall er det ein særs fin gjennomgang av den elektroniske bokmarknaden hos Ars Technica. Vel verd tida det tar. Det er ei stund, med andre ord.
Meir om kva ein les, kor ein gjer det, når ein gjer det, korleis ein kan leve av det: Jan Omdahl i Dagbladet. Interessant tema, dette.
2 years ago
Yves Smith (via Andrew Sullivan) har ein lang post som tar for seg tema eg har vore innom før. Les heile, det er mykje bra både om korleis teknologi formar korleis vi tar til oss informasjon, og korleis den pregar sosial samhandling. Smith går imot den “…false sense of urgency” som ny (visstnok) tilgjengeleggjerande teknologi kan skape. Kanskje treng ein ikkje alle desse opne fanene i nettlesaren? Ta-med-heim-melding: “Most things can wait. Indeed, a lot of things are better off waiting”.
2 years ago
Eg synest Australian Open-finalen, eller snarare den evige duellen mellom Federer og Nadal, fortener nokre ord. Sjå her for eit framifrå bidrag. Det ser ut til at Nadal unner Federer den fjortande Grand Slam-tittelen mest av alle. Det er både rart og heilt strålande, og nok ein grunn til å følge med.
2 years ago
Unngå å springe ned frå Fløyen på kveldstid i den løypa det ikkje er lys i. Dette gjeld særleg viss ein er kledd berre i svart. Det kan komme overraskande på folk på veg opp (blir det rapportert frå sikre kjelder).
3 years ago
